ONM-ABO Bitootessa 17, 2025
Rippabilikni Dimookiraatawaa Koongoo marii finciltoota Ruwaandaan deggaraman bahaa Koongoo irratti waldhabdee guddachaa jiru furuuf kaayyeffate Kibxata borii gara Angoolaatti namoota ishee erguuf akka jirtu waajjirri pirezidaantii biyyattii Dilbata ibseera.
Angoolaan torban darbe akka jetteetti, mariin nagaa kallattiin Koongoo fi finciltoota M23 gidduutti Bitootessa 18 magaalaa guddoo Angoolaa Luwaandaa keessatti akka jalqabamu ibsiteetti.
Yeroo dheeraaf marii M23 waliin taasifamuu kan dhorkan prezidaant Feeliks Tishisekediin, deggarsi naannoo Koongoodhaaf ture hir’achaa waan dhufeef, mo’amuu walitti aaneen booda ejjennoo isaanii akka jijjiirantu himama. Dubbi himtuun pirezidaantichaa Tinaa Salamaa, “Sadarkaa kanatti eenyu akka jila kana geggeessu dubbachuu hin dandeenyu.
M23 waamicha Angoolaa irraa dhiyaate argachuu isaa beeksiseera.
M23 mariin kun erga labsamee booda gaaffiiwwan walduraa duubaan kan dhiyeessan yoo ta’u, Tishisekediin kallattiin isaan waliin mari’achuuf waadaa akka qabu ifatti akka ibsu gaafachuu dabalateeti.
Bara kana haalaan jabaachuun, M23’n magaalota gurguddoo baha Koongoo lamaan fi naannoowwan xixiqqoo hedduu dabalatee bakka kanaan dura to’atee hin beekne argateera.
Koongoo fi M23 lamaan isaanii iyyuu yeroo darbe dhukaasa dhaabuu cabsuudhaan irra deddeebiin wal himataa turaniiru.
Lolli kun Dilbata kaleessaas kan dhaabbate hin fakkaatu. Akka qondaalli naannoo sanaa tokko jedhutti naannoo Walikaleetti walitti bu’iinsi uumamu gabaaseera jechuun Rooyitars gabaaseera.
