ONM-ABO Bitootessa 23, 2025
Muummichi Ministeeraa Libaanos Nawaaf Salaam biyyi isaanii “waraana haaraa” keessatti harkifamuuf qarqara irra jiraachuu ishee himaniiru. Kana kan dubbatan haleellaan qilleensaa haaraa Israa’el kudhanootaan lakkaa’aman garee hidhatee Hizboollaa irratti xiyyeeffate yoo xiqqaate namoota lama ajjeesuu hordofeeti.
Salam akeekkachiisa kanaan, Israa’el “hojii waraanaa haaromfame daangaa kibbaa irratti taasisuun balaa gara Libaanos fi ummata Libaanos” fida jedheera.
Dhaabbanni oduu biyyaalessaa Libaanos (NNA) akka gabaasetti, yoo xiqqaate namoonni lama akka ajjeefaman mirkanaa’uu isaanii fi namoonni saddeet kanneen biroo haleellaa qilleensaa Israa’el irra ga’uu isaanii mirkanaa’eera. Namoota ajjeefaman keessaa tokko daa’imman akka ta’an kan himan yoo ta’u, kanas wiirtuun hojii balaa tasaa fayyaa hawaasaa mootummaan bulchu ibseera.
Gabaasni NNA yoo xiqqaate naannoowwan gara kibbaatti argaman 14 Israa’eliin xiyyeeffatamaniiru jechuun Aljazeraan gabaaseera.
