ONM-ABO Ebla 5, 2025
Bakka bu’aa dhaabbataan Aljeeriyaa UNtti Kamisa darbe akka jedhetti tarkaanfiin Israa’el Onkoloolessa 7, 2023 irraa eegalee Gaazaa keessatti Falasxiinota irratti fudhachaa jirtu “adabbii waloo” fi ”yakka waraanaa” ta’u ibse.
Amar Benjaamaa’n kana kan dhageessisan walgahii Mana Maree Nageenyaa Dhaabbata Mootummoota Gamtoomanii gaaffii Aljeeriyaan haala Falasxiin irratti mari’achuuf akka waamamu gaafatte irratti.
Benjama akka jedhanitti Aljeeriyaa walgahii kanaaf waamicha dhiyeessitee turte. Sababiin isaas biyyattiin Manni Maree Nageenyaa ifattii fi ofitti amanamummaadhaan dubbachuu qaba, itti gaafatamummaa isaa guutummaatti fudhachuu fi murtii isaa hojiirra oolchuu akka qabu cimsitee waan amanteefi.
Mala kana fudhachuu dhabuun Manni Maree aangoo ykn seera qabeessummaa isaa kamiyyuu akka dhabu akka isa taasisu akeekkachiisaniiru jechuun Anaadooluun gabaaseera.
