ONM-ABO Ebla 5, 2025
Yukireen Jimaata darbe akka jettetti, Raashiyaa dabalatee biyya sadaffaa kamiyyuu dhimma hawwii miseensummaa NATO Keev irratti aangoo murteessuu qabaachuu hin danda’u jette.
Ministirri Dhimma Alaa Andii Siibhaan, abbaan biyyummaa Keev mirga gamtaa ishee filachuu akka dabalatu cimsanii kan dubbatan yoo ta’u, kanas walgahii Ministiroota Dhimma Alaa NATO fi dhimma Yukireen miseensummaa NATO ta’uu mari’atu hordofuun gaazexeessitoota Biraaselsitti dubbataniini.
“Wantoonni bu’uuraa gama Yukireeniin gonkumaa hin fudhanne jiru. Isaan keessaa tokko biyya sadaffaa hawwii keenya irratti mirga qabaachuu yoo ta’u, kun waan hin danda’amnedha,” jedhan. “Kun NATO dabalatee gamtaa kamiyyuutti makamuuf yaada qabnu dabalata.”
Ministirri kun Yukireen ulaagaalee NATO waliin hiriiruu fi qophii isaa mirkaneessuuf tattaaffii ishee itti fufsiisuu ishee hubachiisuun, “Nageenyi Yukireen fi nageenyi Atlaantiik qaxxaamuru kan hin qoodamnee dha. Heerri keenya miseensummaa NATO ni deeggara, fedhiin ummata keenyaas akkasuma.”
Pirezidaantiin Voldaamer Zelenskiin hanga ammaatti walgahii NATO Heegitti baatii Waxaabajjii kana irratti akka hirmaatan waamicha seeraa akka hin arganne hubachiisaniiru jechuun Anaadooluun gabaaseera.
