ONM-ABO Ebla 13, 2025
Ergamtoonni Bilxiginnaa giiphiin isaanii gaafa hir’atu, tooftaa ittiin hawaasa saamanii jiraatan baafachuun, dinagdee hawaasa Oromoo quucarsanii ofiin jireenya gammachuu jiraachuuf maqaa adda addaa sababeeffachuun saamicha ulfaataa geggeessaa jiru.
Godina Buunnoo Beddellee aanaa Makkoo magaalaa Makkoo irraa jaleewwan Bilxiginnaa ilmaan Oromoo dararuun faayidaa dhuunfaa isaanii qofa guuttachuuf maggalan, maqaa “ayyaana faasikaatti waraanaaf horii qalla” jedhuun daldaltoota irraa qarshii 500-1,000 dirqamaan afaan qawwee itti qabanii saamaa jiraachuu maddeen Arraata Biyyoolessa Oromiyaatti himanii jiru.
Ergamtoonni Bilxiginnaa saamicha maqaa adda addaan aanichaa fi akkuma impaayerattiitti hawaasa hunda irratti raawwachaa jiran hammeessuun, nagahee tokko malee qarshiin irraa guuramaa kan jiru fi hawaasa ofiifuu waan nyaatee bulu dhabee rakkatuu fi qaala’insa jireenyaa mudateen dhiphatu hiraarsaa jiraachuun ibsamee jira.
