ONM-ABO Caamsaa 15, 2025
Loltoonni faashistii PP ajaja qaama isaanii olii irraa itti kennamu nuffuu fi kufaatii siyaas-dinagdee impaayerattii mudate baraaruu dadhabuun gaafa isaaniif gamu yeroo adda addaatti kara karaa akka simbiraatti gargar faca’anii mooraa Bilxiginnaa onsanii badaa jiru.
Aanaa Waamaa Hagaloo mooraa waraanaa magaalaa Adaree irraa kaleessa Caamsaa 14, 2025 miseensonni waraana raayyaa ittisa impaayerattii 2:
- qawwee AKM 2,
- boombii 3,
- hidhannoo mudhii 2,
- rasaasa 423 qabachuun WBO’tti makamuun dhaga’ameera.
Kana malees, aanaa Guutoo Giddaa ganda Jireenyaa bakka addaa Boolloo jedhamu irraa Caamsaa 12, 2025 miseensonni Raayyaa Ittisa impaayerattii baay’inaan 2 ta’an qawwee fi hidhannoon mooraa Bilxiginnaa keessaa gananii WBO’tti makamuun barameera.
Impaayerattii guutummaa keessatti loltoonni akka sirnicha utubaniif ajaja Abiy Ahimediin bobbaafaman sirnichi lubbuu namootaa balleessuu fi uummata dararuu malee ulaa banuuf fedhii akka hin qabne hubachuun wareegama hin mallee fi seenaan nama gaafattu kaffaluu irra jechuun gara qabsoo haqaa saba irraa dhalataniitti deebi’uun warra achi keessatti hafeefis yeroon qawwee fi hidhannoo keessan qabadhaa kottaa jechuun dhaamsa dabarsaniiru.
