ONM-ABO Waxabajjii 16, 2025
Miseensonni raayyaa ittisa impaayerattii sabaan Oromoo ta’an lama Waxabajjii 15, 2025 aanaa Galaanaa gandoota Dhamee fi Calbeessaa irraa:
- qawwee AKM 2,
- hidhannoo 2 fi
- rasaasa hedduu
qabachuun mooraa faashistii PP gananii WBO’tti harka kennatanii jiraachuu WBO’n onicha keessa socho’u ONM’tti himee jira.
Loltoonni sirnichaa duraanii kunneen simannaa Waraanni Bilisummaa Oromoo isaaniif godhetti gammaduu ibsuun dogonggoraan diina ilmaan Oromoof qawwee baatanii ergamaa turuutti uummata Oromoo dhiifama gaafachuun, hiriyyoota isaanii hubannoo malee sirna abbaa irreef qawwee baatanii uummata isaanii dararaa jiraniin osoo yeroon jirtuu hidhannoo keessan waliin WBO’tti makamuun uummata keessan bilisa baasaa jechuun dhaamaniifii jiru.
Loltoonni sirnichaa dirqii fi goyyomsaan ukkaamfamuun sirnicha tajaajilaa turan kanneen ilmaan Oromoo ta’anii fi sabootni biroon diinummaa bulchiinsa abbaa irree Abiy Ahimed hubatan guyyuu mooraa waraana Bilxiginnaa ganuun hidhannoo isaanii waliin WBO’tti makamaa jiru.
