ONM-ABO Waxabajjii 19, 2025
Itti aanaan Ministira Dhimma Alaa Raashiyaa Sergee Riyabkov Wiixata kaleessaa akka akeekkachiisanitti, gargaarsi waraanaa Ameerikaa gara Israa’elitti qajeeluun haala baha jiddugaleessaa, bakka waraanni qilleensaa Iraanii fi Israa’el gidduutti uumame guyyaa jahaaf itti fufe hundee irraa tasgabbii dhabsiisuu danda’a.
Yaada adda addaatiin, itti gaafatamaan tajaajila basaasaa biyya alaa SVR Raashiyaa Sergee Naryishkin, haalli Iraanii fi Israa’el gidduu jiru amma murteessaa ta’uu isaa caqasameera.
Riyaabkov gargaarsa waraanaa kallattiin Israa’eliif filannoo akka hin taane akeekkachiisuu, dhaabbati oduu Interfaks Raashiyaa ibseera.
“Kun tarkaanfii haala hunda hundee irraa tasgabbii dhabsiisu ta’a” jechuun dubbate.
Boodarra Riyaabkov waldhabdee Iraanii fi Israa’el gidduu jiru ilaalchisee Raashiyaa fi Ameerikaan wal qunnamtii akka qaban dubbataniiru.
Kanaan dura maddi marii keessoo Ameerikaa beeku tokko akka jedhetti, Pirezidaanti Doonaald Tiraamp fi gareen isaanii filannoowwan hedduu yaadaa jiru, kunis Israa’elitti makamuun iddoowwan niwukilaraa Iraan irratti haleellaa raawwachuu irratti.
Kibxata darbe Tiraamp hogganaa olaanaa Iraan Alii Kaameenii ajjeesuu ilaalchisee ifatti miidiyaa hawaasaa irratti yaadanii kennanii turan.
Israa’el Jimaata darbe bakka niwukilaraa Iraan, saayintistootaa fi hoggantoota waraanaa olaanoo irratti haleellaa ajaa’ibaa Raashiyaan kan hin kakaafamnee fi seeraan ala ta’uu ishee balaaleffatte irratti haleellaa qilleensaa jalqabde. Iraan haleellaa misaa’elaa fi diroonii magaalota Israa’el irratti raawwatteen deebii kenniteetti.
Pirezidaantiin Raashiyaa Vilaadmiir Puutiin, Iraan waliin waliigaltee tumsa tarsiimoo mallatteessanii, gama lamaan gidduutti diinummaan akka dhaabbatu gaafachuu Rooyiters gabaaseera.
