ONM-ABO Waxabajjii 20, 2025
Lubbuun ilmaan namaa bara bulchiinsa koloneel Abiy Ahimed kana keessa naasuu fi birmannaa dhabuun guyyuu akka baala mukaatti waraana sirna dhableeyyii Bilxiginnaan guyyuu obba’aa oola.
Bu’uuruma kanaanis Waxabajjii 17, 2025 godina Baha Shaggar aanaa Dugdaa ganda Waldaa Qal’inaa keessatti dargaggoo maqaan isaa Tolaa Ashamii jedhamu badii tokko malee loltoonni koloneel Abiy Ahimed mana maatii isaatii gadi baasuun rasaasa itti roobsanii ajjeesuu jiraattonni ONM’tti himaniiru.
Akka jiraattonni gandichaa himanitti dargaggoon kun nama tuttuqaa siyaasaa kamiyyuu hin qabne hojiiwwan hawaasa gammachiisu kan namuusaa fi duudhaa sabichaa waliin wal-simu hojjechuun jaalala sabaa kan qabu malee yakka lubbuu isaa baasisus akka hin raawwanne dubbatu.
