ONM-ABO Adoolessa 9, 2025
Aanaa Gammachiis araddaa Gola Buubaatti namoota maqaan isaanii:
- Mahaammad Abdallaa Ahimadii fi
- Bilaal Ibraahim
jedhaman lukkeeleen Bilxiiginnaa humnaan lafa isaanii irraa kaasuun uummata afaan qawween itti bobbaasanii jimaa fi buna isaanii jalaa buqqisuun waajjira irratti ijaarrachuu maddeen Arraata Biyyoolessa Oromiyaatti himanii jiru.
Qonnaan bultoonni kunneen, daboo kadhatanii lafa isaanii qotachuuf dhaqnaan, bulchaan araddaa gara kaabinoota Bixiginnaa aanichaatti bilbiluun uummatatti marsee mana hidhaatti guuruuf dhukaasa irratti bannaan, uummanni immoo dhagaa fi mancaan falmatee of irraa qolachuun humna isaa erga itti agarsiiseen booda, jibba lukkeelee kanneeniif qabu ifatti diddaa mul’isuun dabalataan himameera.
Bakkichumatti, nama maqaan isaa Ismaa’il Yusuuf Ibraahim jedhamu miilla isaa irra rukutanii rasaasaan dhahanii madeessuun yeroo ammaa haala yaaddessaa keessa jiraachuun ibsamee jira.
