ONM-ABO Adoolessa 12, 2025
Barreessaan olaanaa Dhaabbata Mootummoota Gamtoomanii Antooniyoo Gutereez Jimaata kaleessaa haleellaa Huutiin dooniiwwan siiviilii Galaana Diimaa irratti raawwate cimsanii balaaleffachuun, taateewwan kun ”deebi’anii hammachuun balaa qabu” jechuun ibsaniiru.
“Barreessaan olaanaa kun haleellaan Huutii dooniiwwan siiviilii Galaana Diimaa keessa darban irratti deebi’ee jalqabuu isaa cimsanii balaaleffatu, keessumaa haleellaa Adoolessa 6 hanga 8 bara 2025tti raawwatame,” jedha ibsa dubbi himaan isaanii Isteefan Dujaariik.
“MV Magic Seas fi MV Eternity C lamaan isaanii liqimfamuun isaaniin, yoo xiqqaate miseensota hojjettoota doonii afur du’uu fi namoota biroo irra miidhaan ga’uu waliin, daandii bishaanii murteessaa kana keessatti irra deebiin hammachuu balaa ta’eera,” jedha ibsichi. Guutereez Huutiin miseensota hojjettoota doonii dhabamaniif hojii baraarsaa itti fufee jiru gufachiisuu irraa akka of qusatan gaafateera.
Haleellaan kun nageenya namoota galaanarra deeman irratti balaa ta’uu qofa osoo hin taane bu’aa bal’aa fiduu akka danda’u akeekkachiisuun, ibsi kun “gochoonni akkasii bilisummaa doonii irra deemuus kan sarban, geejjibaa galaanaa irratti balaa kan fidan, akkasumas naannoo qarqara galaanaa duraanuu saaxilamoo ta’e irratti miidhaa guddaa naannoo, dinagdee fi namoomaa guddaa kan bakka bu’an ta’uu” cimsee ibseera.
Guuterees akkasumas “seerri idil-addunyaa yeroo hunda qaamolee hundaan kabajamuu akka qabu cimsee kan ibsu” yoo ta’u, dabalataan “murtoon Mana Maree Nageenyaa Dhaabbata Mootummoota Gamtoomanii 2768 (2025) haleellaa Huutiin dooniiwwan daldalaa fi daldalaa irratti raawwataniin walqabatee guutummaatti akka kabajamu” gaafateera.
“Dhaabbanni Mootummoota Gamtoomanii tattaaffii isaa gara bal’inaan naannichatti hammachuu hir’isuu akkasumas qooda fudhattoota Yaman, naannoo fi idil-addunyaa waliin walitti dhufeenya itti fufiinsa qabuun furmaata itti fufiinsa qabuu fi karaa nagaa Yaman keessatti argamu mirkaneessuuf kutannoo qaba,” jechuun dabalee ibseera.
Gareen Huutii Yaman Kibxata galgala viidiyoo kan baase yoo ta’u, dooniin alaabaa Laayibeeriyaa qabu kan fe’umsa hedduu qabu Magic Seas jedhamu Galaana Diimaa keessatti Adoolessa 6 haleeluu isaa mirkaneesse.
Huutiin Israa’el hojii waraanaa ishee Gaazaa keessatti akka dhaabdu dhiibbaa gochuuf jecha dooniiwwan Israa’el waliin hidhata qaban irratti xiyyeeffachaa akka jiran dubbatu jechuun Anaadooluun gabaaseera.
