ONM-ABO Adoolessa 13, 2025
Peentaagoon Jaappaanii fi Awustiraaliyaan osoo US fi Chaayinaan Taayiwaan irratti waraanaa yoo seenan gahee akkamii akka qaban akka qulqulleessan gaafachaa jirti jechuun Faayinaanshiyaal Taayims Sanbata kaleessaa gabaaseera.
Barreessaa Ittisaa Imaammataa Ameerikaa jalatti kan argamu Elbriij Kolbii qondaaltota ittisaa biyyoota lamaan waliin marii dhiheenya kana taasifame irratti dhimmicha dhiibaa akka ture gabaasichi ni mul’isa jechuun namoonni marii kana beekan kaasan.
Akka gaazexaan kun jedhutti, gaaffiin gabaafame Tookiyoo fi Kaanberaa lamaanuu of eeggannoo qabatan. Sababiin isaas US mataan ishee Taayiwaan ittisuuf wabii cheekiin duwwaa hin kennitu jedhan.
Rooyitars gabaasa kana mirkaneessuu hin dandeenye. Ministeerri Ittisaa Ameerikaa yaada kennuudhaaf gaaffii dhihaateef battalumatti deebii hin kennine.
Hidhata dippilomaasii sirnaa qabaachuu baattus, US dhiyeessituu meeshaa waraanaa Taayiwaan isa barbaachisaadha.
Taayiwaan shaakala waraanaa marsaa hedduu dabalatee dhiibbaan waraanaa Chaayinaa irraa dabaleera. Beejiing himannaa abbaa biyyummaa odola kana irratti qabdu mirkaneessuu barbaaddi. Taayiwaan gama isheen Chaayinaan abbaa biyyummaa ishee fudhachuu ishee ni mormiti.
Kolbii yeroo jalqabaaf pirezidaant Doonaald Tiraampitti itti aanaa gargaaraa Ministira Ittisaa Tarsiimoo fi Humnaa turan. Kolbii waraanni Ameerikaa dorgommii Chaayinaaf dursa kennuu fi xiyyeeffannoo isaa Baha Giddu Galeessaa fi Awurooppaa irraa jijjiiruu qaba jechuun falmuun beekama jechuun Rooyiters gabaaseera.
