ONM-ABO Hagayya 7, 2025
Maakroon Roobii kaleessaa falmiin lammiilee Aljeeriyaa biyyaa ari’uu irratti ka’u hammaataa dhufuun mootummaan isaanii ulaagaa viizaa dippilomaatota Aljeeriyaa irratti akka cimsu gaafataniiru.
Xalayaa Ministira Muummee isaanii Firaankoos Baayroof barreessan kan Rooyitar argeen, Maakroon rakkoo guddachaa dhufe kan Faransaay gama godaansaa fi nageenya Aljeeriyaa waliin mudachaa jiru kolonii Faransaay duraanii irratti ejjennoo cimaan barbaada jedhan.
Maakroon waliigaltee bara 2013 kan abbootii taayitaa paaspoortii dippilomaasii fi viizaa irraa bilisa taasise akka addaan citu Aljeeriyaa ifatti akka beeksisan Maakroon gaafataniiru.
Akkasumas, ministirri biyya keessaa Faransaay biyyoonni zoonii Sheengen keessa jiran kanneen daangaa isaanii gidduutti imala paaspoortii irraa bilisa ta’e hayyaman Faransaay imaammata viizaa cimaa ta’e hojiirra oolchuuf akka gargaaran akka gaafatan kan ibsan yoo ta’u, keessumaa qondaaltota Aljeeriyaa gaaffii keessa jiraniif viizaa turtii yeroo gabaabaa fi paaspoortii waliigaltee bara 2013 uwwifame kennuuf Faransaay mariisisuudhaan akka raawwatu gaafataniiru.
“Faransaay cimtuu fi kabaja ajajuu qabdi. Kana michoota ishee irraa argachuu kan dandeessu kabaja isaan irraa gaafattu yoo itti agarsiifte qofa. Seerri bu’uuraa kun Aljeeriyaa irrattis ni hojjeta,” jedhan Maakroon.
Faransaay ji’a Adoolessa 2024 naannoo falmisiisaa ta’e Sahaaraa Dhihaa irratti abbaa biyyummaa Morookoof beekamtii erga kennitee booda walitti dhufeenyi Paaris fi Aljeers gidduu jiru hammaataa dhufeera.
Aljeeriyaan baatii Sadaasaa keessa barreessaa lammii Faransaay-Aljeeriyaa Boyulem Sansal erga to’annaa jala oolchitee booda, bara kana ji’a Guraandhala keessa ammoo lammiin Aljeeriyaa yeroo dheeraaf Faransaay gara biyyaatti deebisuuf yaaltee turte tokko magaalaa Muulaawus keessatti haleellaa cubeen nama tokko ajjeesee sadii madeesseen shakkamaa ta’ee to’annoo jala ooleen waldhabdeen dabale.
Ministirri Biyya Keessaa Faransaay Biruunoo Retayilewu, aanga’oonni Aljeeriyaa lammiilee ishee waliigaltee biyyaa ari’uu “OQTF” (naannoo Faransaay gadhiisuuf dirqaman) jalatti Faransaay akka gadhiisan ajajaman deebisanii fudhachuu diduu isaanii hordofuun qophiin godaansaa fi Viizaa Firaankoo-Aljeeriyaa akka ilaalamu irra deddeebiin gaafataniiru jechuun France 24 gabaaseera.
