ONM-ABO Hagayya 28, 2025
Hagayya 25, 2025 aanaa Arsii Nageellee ganda Godee Duroo jedhamu keessatti ergamtootni Bilxiginnaa nama maqaan isaa Gammadaa Daddafoo Dhaqqabaa jedhamu dabalatee namoota hedduu badii tokko malee mana hidhaatti guuranii hiraarsaa kan jiran ta’uu jiraattonni ifoomsanii jiru.
Aanaa kana keessatti gaaffii tokko malee hawaasa jumlaan mana hidhaatti guuruun hiraarsaa kan turan yoo ta’u, keessumaa gandoota akka; Godee Duroo, Bobbaasoo Reejii fi Aagaa keessatti sababa Waraanni Bilisummaa Oromoo gandicha keessa socho’uuf jecha maqaa hariiroo Waraana Bilisummaa Oromoo qabdu jedhu itti maxxansuun uummata garmalee dararaa jiraachuu jiraattotni itti dabaluun Arraata Biyyoolessa Oromiyaatti himaniiru.
