ONM-ABO Fulbaana 5, 2025
Sirna dhablummaan keessatti hidda gadi fageeffatee kan jiru impaayerri Itiyoopiyaa dhiiga ol adeemtota ilmaan Oromoo dhangaalaasuu jabeessuun Fulbaana 2, 2025 Lixa Wallagaa aanaa Qilxuu Kaarraa keessatti dargaggeessa tokko ajjeesuun dhaga’ame.
Bifuma kanaanis jiraataa ganda Waandii Daallee kan ta’e dargaggoo maqaan isaa Maariqos Tottoobaa jedhamu waraanni faashistii PP Fulbaana 2, 2025 ganama naannoo sa’a 5:00’tti qabanii hanga sa’a 11:00’tti dararaa ulfaataa irraan ga’aa turuun mana barumsaa sadarkaa 1’ffaa Waandii Daallee biratti harka isaa duubatti hidhuun rasaasa itti roobsanii ajjeesanii gatuu jiraattonni Arraata Biyyoolessa Oromiyaatti himan.
Dargaggeessi kun dhalootaan godina Lixa Wallaggaa aanaa Mana Sibuu ganda Karra Waayyuu oggaa ta’u, jireenya isaa fooyyeffachuuf gara ona Qilxuu Kaarraatti dhufee hojii qonnaa hojjetee jiraachaa turus, Bilxiginnaan Oromummaa isaa qofaan yakkamee ajjeefamuu jiraattotni dabaluun ifoomsanii jiru.
