ONM – ABO – Gurraandhala 7, 2023 Murni dhiiga ilmaan Oromoo dhangalaasuun sodaachisee barcuma siyaasaa isaa jabeeffachuuf hojjetu bilxiginnaan waraana isaa bobbaasee guyyaa guyyaatti lubbuun hedduu dhabamsiisaa oola.
Waraanni faashistii PP ilmaan Oromoo akka ajjeesaniif bobbaafaman Jimaata darbe Guraandhala 3, 2023 godina baha Wallaggaa aanaa Sibuu Siree ganda ganda Burqaa Xalloo keessatti namoota 5n ajjeesan.
Namootni ajjeefaman kun Mirreessaa Fiqaaduu, Obsaa Taaddasaa, Mitikkuu Taaddasaa, Dinqisaa Giisee fi Addisuu Qana’aa kanneen jedhamanii dha.
Godinichuma aanaa Gobbuu Sayyoo jala ganda Gabaa Roobii jedhamutti jaarsa tilmaamaan ganna 80 ta’u xumuruma torbee kanaatti ajjeesanii bosonatti gatuu maddeen Arraata Biyyoolessa Oromiyaatti himaniiru.
