ONM-ABO 10 Bitootessa 2023
Gochi mirga namoota hidhamanii sarbuun ajjeesuu kun itti fufuun godina Baha Wallaggaa aanaa Gudayyaa Biilaatti ilmaan Oromoo badii tokko malee maqaa Waraana Bilisummaa Oromoo degertu jedhuu itti maxxansuun baatii lama oliif erga mana hidhaatti rakkisaa turaaniin booda namoota 12 Bitooteessaa 7, 2022 halkaan irraa mana hidhaa keessaa baasuun waraanni garboomfataa Abiy Ahimed gara bosonaati geessuun ajjeessan.
Namoota ajjeeffaaman kana keessaa kan maqaa arganne Dinquu Magarsaa, Bushee Kabbaadee, Dhaabaa Guddinaa,Tashaalee Soorii fi Situcaalaa Oljirraa Kan jedhaman ta’uu jiraattotni Arraata biyyoolessaa Oromiyaatti himan.
Waraanni faashistii kun guyyaa dheengadda Bitootessa 8, 2023 achuma aanaa Gudayyaa Biilaa ,magaala Biilaa keessatti barsiisaa ispoortii teekwaandoo Alamayyoo Kidaanee jedhamu bakka hojii isaatii qabuun ajjeessan.
Ajjeechaan mana hidhaatti baasaanii ilmaan oromoo gara laafinaa tokko malee ajjeessan kun guyyaa gara guyyaatti babal’aachaa jiraachuun kan nuuf himan jiraattotni, gocha hamaa kana ofirraa dhaabsisuuf sirnicha tokkummaan falmachuutu furmaata jechuun yaada isaanii nuu qoodaniiru.