ONM-ABO Bitootessa 15, 2023
Murni hojjetoota mootummaa miindaa ji’aa kutaa jechuun, qonnaan bultoota irraa miidhaa kiiloon guuruu fi jiraattota magaalaa irraa maallaqa funaanu bilxiginnaan, uummata magaalaa Buraayyuutti deddeebu’uun maallaqa funaanaa jira.
Godina addaa naannawwaa Finfinnee bulchiinsa magaalaa Buraayyuu keessatti Bitootessa 2, 2023 daandii cirracha gurraachaa kessoo magaalichaa caccabee suphina jachuudhaan qarshii 2500 hanga 5000 uummata irraa funaanaa turan.
Maallaqni sun eessa ga’een isaa osoo hin beekaminii fi daandiin sunis hin suphamin dheengadda 13, 2023 garaagarummaa guyyaa 12 booda qarshii gadaanaa 500 ol aanaa 1500 uummatni akka dabalataan kafalu dirqisiisaa jiru.
Hawaasni magaalichaa gama isaaniin maallaqa armaan dura kafalle hoo eessa geessitanii, qaala’iimsa jireenyaa ittiin rakkachaa jirru osoo argitanii akkamiin deebitanii nu gaafattuu jechuun yeroo gaafatan deebii isaan hawaasaaf kennan ifannaa fi doorsisa malee waanti qajeelaan akka hin jirre maddeen magaalaa Buraayyuu Arraata Biyyoolessa Oromiyaatti himaniiru.
