ONM-ABO Muddee 20, 2023
Kaleessa Muddee 19 miseensotni raayyaa ittisa impaayerattii sirna bilxiginnaa fi Abiy Ahimediin aangoo irra tursuuf Oromiyaa keessatti bobbaafaman lama sirnichi Oromoo balleessuuf kaayyeffachuu isaa hubachuun gara gooticha Waraana Bilisummaa Oromootti makamanii jiru.
Miseensonni waraana Abiy turan kanneen sabaan Oromoo ta’an kun, godina Gujii Bahaa aanaa Gooroo Doolaa mooraa waraanaa PP ganda Adiidii Odaa Cabee irraa qawwee dachaatuu 2 fi hidhannoo guutuun WBOtti makamaniiru.
Waraana Bilisummaa Oromoonis simannaan hoo’aan kan taasifameef yoo ta’u, sirnicha gananii WBOtti makamuu isaaniitti gammachuu qabaachuu ONMtti himaniiru.
