ONM-ABO Guraandhala 20, 2024
Hoogganaan Kooriyaa Kaabaa Kiim Joong Un “hariiroo dhuunfaa addaa” isaaniif beekamtii kennuuf Pirezidaantii Raashiyaa Vilaadmiir Puutiin irraa kennaa konkolaataa akka argatan miidiyaaleen mootummaa gabaasan.
Konkolaataan Raashiyaa keessatti hojjetame kun, kan qaamni isaa fi moodeelli isaa hin ibsamne, Pirezidanticha, obboleettii isaa Kiim Yoo Joong dabalatee gargaartota olaanoo Kiimiif Guraandhala 18 itti fayyadama dhuunfaaf, Dhaabbatni Oduu Giddugaleessa Kooriyaa kan mootummaan geggeeffamu (KCNA) Wiixata kaleessaa ibseera.
“Kim Yo Jong kabajaan galata Kiim Joong Un Puutiiniif dabarsuun, kennaan kun hariiroo dhuunfaa addaa hoggantoota olaanoo DPRK fi Raashiyaa gidduu jiruu fi isa hunda caalutti akka agarsiisu akkasumas ifatti akka tajaajilu Kooriyaa Kaabaa maqaa seeraa ishee Rippabiliika Uummata Dimookiraatawaa Kooriyaa jedhamuun waamuun dubbataniiru..
Kennaan Puutiin kun qoqqobbii Mootummoota Gamtoomanii Moskootiin deggaramee Piyoongiyaang irratti kaa’ame kan “konkolaattota geejjibaa” hunda Kooriyaa Kaabaaf akka hin dhiyeessine dhorku kan cabsu fakkaata.
Kiim konkolaattota sadarkaa olaanaa qaban baay’ee akka qabdu kan amanamu yoo ta’u, Mercedes-Maybach S600, Rolls-Royce Phantom fi Lexus LX 570 dabalatee moodeelota qananiin yeroo imalan argameera.
Ji’a Fulbaanaa keessa daawwannaa isaanii gara baha fagoo Raashiyaatti taasisaniin, Kiim limooziinii pirezidaantii Puutiin kan Aurus Senat kan dinqisiifatan yoo ta’u, hogganaa Raashiyaatiin teessoo duubaa irra akka taa’an affeeramaniiru.
Puutiin fi Kiim, lamaan isaanii iyyuu waltajjii idil-addunyaa irraa adda baafamanii kan jiran yoo ta’u, erga Moskoo Guraandhala 2022 weerara guutuu Yukireen irratti jalqabdee asitti walitti dhufeenya cimaa uumuu danda’aniiru.
Ji’a Onkoloolessa keessa Kiim xalayaa hariiroo biyyoota isaanii biyyoota lamaanii waggaa 75ffaa kabajuuf barreesseeniin Puutiin “ farra Raashiyaa” irratti injifannoo akka argatu hawwaniiru jechuun miidiyaaleen mootummaa gabaasan.
Ameerikaa fi michuu ishee Kooriyaan Kibbaa tumsi waraanaa Moskoo fi Piyoongiyaang gidduutti guddachaa dhufuun yaaddoo qaban ibsaniiru.
Dhaabbanni basaasaa Kooriyaa Kibbaa baatii Sadaasaa keessa akka jedhetti, Raashiyaan Kooriyaan Kaabaa saatalaayitii basaasaa milkaa’inaan furguggisuuf gargaaruu hin oolle jechuun, Siiyoool, Tookiyoo fi Waashingitan sababa teeknooloojii misaa’ela balistikii yaaluu isheef balaaleffatanii turuu Aljazeeraan gabaasee jira.
