ONM-ABO Ebla 8, 2024
Maqaa siyaasaan Oromiyaa keessatti ilmaan Oromoo qe’een irratti gubachuu, manneen hidhaatti dararamuu, saamichi daangaa hin qabne irratti taasifamuu fi ajjeefamuun waggoottan ja’an kana haalaan dagaaguun hawaasni garmalee hiraarfamuun jabaatee jira.
Akkuma kanaanis godina Baha Wallaggaa aanaa Waamaa Hagaloo jiraataa ganda Meettaa Komboo kan ta’e dargaggoo Addisuu Dirribaa jedhamu baatii darbe keessa qabamee aanaa Waamaa Hagaloo bulchiinsa magaalaa Moxee keessatti dararaa ulfaataan waraana gabroomsaa PP’n irratti raawwatamaa kan ture yoo ta’u, yeroo ammaa mana hidhaa irraa baafamee achi-buutee dhabamsiifamuun himameera.
Gocha sobaa isin deggertoota waraana bilisummaa Oromooti, eeruu laattuuf, akkasumas hojii hordoffii taasistuuf jedhuun namootni aanicha keessatti jumlaan hidhamanii jiran danuu kan ta’an yoo ta’u guyyaa irraa guyyaatti baasanii ajjeesaa akka jiranis dabaluun dubbatu.
Murni maqaa ijaarsa impaayerattiin namoota nagaa ajjeesuun gadaa aangoo isaa dheereffachaa jiru bilxiginnaan adda durummaan milishoota gaachana sirnaa jechuun leenjiise kanaanis namoota hiraarsaa akka jirus jiraattonni ONM’tti himaniiru.
