ONM-ABO Ebla 19, 2024
Labsiin Lagannaa Gabaa fi Uggura Geejjibaa Ebla13, 2024 galgala sa’atii 12:00 irraa qabee Oromiyaa keessatti sababa Ajjeechaa Jaal Battee Urgeessaa fi Dhumaatii Uummata Oromoo Walloo irratti taasifamaa ture aantummaa miidhamaa fi diddaa murna bilxiginnaa irratti uummatni Oromoo qabu agarsiisuun bilxiginnaa irratti dhiibbaa gochuun bu’aan siyaasaa fi dinagdee argameera.
Kanuma bu’uura godhachuun uummata labsii kana irratti hirmaatee galateeffachuun labsiin kun uummata Oromoo akka hin miineef labsii kana har’a Ebla 19, 2024 sa’atii 12:00 irraa ka’ee walakkaan kaasuun kanneen biroon akka hafan Koreen Qeerroo Bilisummaa Oromoo beeksiseera.
- Sochiin eeyyamame
✍ Sochii Gabaa ( dukkaana )
✍ Konkolaataa uummataa ( baajaajii fi doqdoqqee ) dabalatee
✍ Sochii Baankii fi Barnootaa
✍ Kuduraa fi mudura haadha irraa citee lafa turuu hin dandeenye - Kanneen Uggura jalatti hafan
✍ Midhaan nyaataa fi zayitaa gara magaalaa Finfinnee fi naannoolee ollaa Oromiyaatti hin deeman.
✍ Horiin ( Loon, re’ee, hoolaa fi kkf ) gara magaalaa Finfinnee fi naannoolee ollaa Oromiyaatti hin deeman.
Kana ta’uu hubattanii hawaasni keenya sochii idilee keessanitti nagaan akka deebitan jenna. Abbootiin qabeenyaa, konkolaachistootni, dhaabbileenii fi namootni hojiilee garaagaraa dhorkaa kana keessatti hammatamtan labsii Arraata Biyyoolessa Oromiyaa irraan darbu irraa hordofuun qajeelfama ba’eef akka bitamtan jenna. Qeerroo fi Qarreen akkasumas qaamotni milkaa’ina hojii kanaaf ga’ee keessan ba’achaa turtan, ammas hojii irra oolmaa uggura ka’ee fi kanneen hin ka’in hafan irrattis shoora keessan akka ba’attan dhaammanna.
Uummatni Oromoos diddaa jabaa sirnicha buqqisu yeroo xumuraaf taasisuun waanjoo garbummaa jalaa ba’uuf karoora jabaa fuulduratti isiniif dhiyaatuuf akka of qopheessitan Koreen Qeerroo Bilisummaa Oromoo gadi jabeessee dhaammata.
Qeerroo Bilisummaa Oromoo Irraa
Injifannoon Uummata Oromoof !
Ebla 19, 2024
Finfinnee, Oromiyaa
