ONM-ABO Ebla 24, 2024
Olaantummaa qawwee keenyaan impaayera Itoophiyaa ijaarra jechuun murni bilxiginnaa siyaasa sanyii tokkoof dhaabbatu erga gad-dhaabee kaasee dararaa ilmaan Oromoo irratti taasisaa jiran jabeessuun qe’ee saba Oromootti gaddaa fi gadadoo uwwisaa jira.
Haaluma kanaan godina Baha Shaggar aanaa Dugdaa ganda Hafaa Raasaa fi Hafaa Qamalee keessatti Ebla 23, 2024 waraanni faashistii PP maqaa sakattaa WBO jedhuun bobba’an manneen jiraattota lamaa gubuun beekameera.
Namoota manneen isaanii jalaa gubate maqaan isaanii obbo Badhaasaa Guutaa fi obbo Fittaalaa Boochee kanneen jedhaman qabeenyaa isaanii midhaanii fi mana keessa bulan guutummaa guutuutti gubuun barbadeessaniiru.
Maatiin manni isaanii jalaa gubates bakka da’oo dhabuun yeroo ammaa ilmaan isaanii waliin jireenya baqaaf saaxilamanii jiraachuun himameera.