ONM-ABO Caamsaa 8, 2024
Waraanni faashistii PP baadiyyaa Oromiyaa keessa deemuun qeerroo Oromoo ukkaamsuun gara waraanaatti guuraa kan jiru godina Lixa Harargeetti ajajaan milishaa aanaa Shanan Dhuugoo obbo Zakiyyuu Abdallaa kan jedhamu milishoota isaa bobbaasuun araddaa Quufaansiq jedhamtu keessatti dirqamaan ijoollee waggaa 18 gadii hunda gara waraanaatti guuraa jira.
Qaama miidhamtoota irraa kan hafe namoonni hundi akka gara waraanaatti duulan jechuun dirqamsiifamaa jiraachuu fi qeerroo hedduu ugguranii kan jiran ta’uu ONM odeeffateera.
Dabalataanis, waraanni mootummaa gabroomfataa kun ijoollee Oromoo achi buutee kan dhabamsiisuu bare, qe’ee fi maatii isaanii irraa namoota hedduu hordofanii hidhuu fi dhabamsiisaa akka jiranis beekameera.
