ONM-ABO Caamsaa 21, 2024
Pirezidaantiin Iraan Ibrahim Raayisii, ministirri haajaa alaa biyyattii fi namoonni biroo naannoo gaarreen kaaba dhiha biyyattii keessatti balaa helikooptara mudateen du’anii argamuun beekameera.
Pirezidaantiin Iraan Ibrahim Raayiisiinumrii isaanii ganna 63 tti addunyaa irraa Dilbata darbe balaa helikooptariin boqochuun ibsameera.
Mohammad Mokihiber Itti aanaan pirezidaantii Iraan jalqabaa hanga filannoon gaggeeffamutti pirezidaantii biyyattii ta’uun tajaajiluuf jiru jedhamee jira.
Deebiin idil-addunyaa Raashiyaa, Iraaq fi Kaataar dabalatee biyyoonni hiree Raayisii ilaalchisee ibsa sirnaa yaaddoo qaban kennaniiru.
Iraan hanqinni kutaalee xiyyaara kunuunsuuf gargaaran mudachuu fi hanqina suphaa qabaachuun akka rakkootti ka’aa jira.
Miidiyaaleen mootummaa Iraan akka jedhanitti, helikooptarri kufe kun xiyyaara Beel 212 kan Iraan jalqaba bara 2000 keessa bittedha jedhu.
Heera mootummaa Iraan jalatti, yoo pirezidaantiin tokko du’e, itti aanaan pirezidaantii biyyattii jalqabaa Haga filannootti aangoo kan fuudhuu fi haala kana keessatti, Mohammad Mokihiber pirezidaantii ta’a jedhamee eeggama.
Iraaq guyyaan Kibxata har’aa guyyaa gadda biyyaalessaa ta’ee akka oolu beeksifte.
Kunis du’a prezidaantii Iraan Ibrahim Raayisii, Ministira Dhimma Alaa Hoseen Amirabdolaahiyaan fi miseensota jila isaanii kanneen biroo Dilbata darbe balaa helikooptaraa Iraan keessatti mudateen ajjeefamaniifi.
Paakistaan guyyaa gaddaa beeksisiftuus Libaanosii fi Sooriyaa lamaan isaanii immoo gadda guyyoota sadii labsan jechuun associated Press gabaaseera.
