ONM-ABO Adoolessa 4, 2024
Qaroo sabaa roorrifama uummata isaa jibbu sodaa irraa qabaniif jecha erga ajjeesanii boodas dargaggoota yaadannoo waggaa arfaffaa isaa irratti T-Shirt ykn qomee irratti suuraa isaa hojjechiifatanii uffatan qabanii mana hidhaatti guuruun reebicha hamaa irratti raawwachaa jiru.
Waxabajjii 29, 2024 guyyaa yaadannoo Haacaaluu irraa kaasee Kibba Lixa Shaggar aanaa Iluu keessaa dargaggoonni balleessaa tokko malee hanga har’aatti mana hidhaatti guuramaa jiraachuu jiraattonni ONM’tti himan.
Dargaggoonni maqaan isaanii Tasfaanash Biraanuu, Daanyee Tarreechaa, Tarruu Gonfaa, Urgeessaa Awwaas, Caalaa Gabbisaa, Firaa’ol Girmaa fi Haayilee kanneen jedhaman ganda Buutii Talgoo irraa hidhattoota sirnichaan qabamanii mana hidhaa aanichaatti gidirfamaa jiraachuu jiraattotni kunneen dabaluun ibsaniiru.
Sirni jabaa sabaa galaafate ammas dhaloonni akka isa hin yaadanneef gidiraa hamtuu dargaggoota yaadannoo aartistii kanaaf taasisan irratti raawwachaa jira.
