ONM-ABO Adoolessa 10, 2024
Irree fi gachaanni sabaa WBO’n loltoota PP impaayera bututaa suphuuf deemtu irratti Bobbaa Irbuu Shinniggaan tarkaanfii fudhatu itti fufuun godina Arsii Bahaa aanaa Doddotaa keessatti injifannoo boonsaa galmeessee jira.
Guyyaa dheengaddaa Adoolessa 8, 2024 korommiiwwan Kibba Bahaa Cibraan Jaal Nadhii Gammadaa aanaa Doddotaa iddoo addaa Gaara Gaalloo jedhamtu keessatti waraana faashistii PP rasaasaan bobeessuun loltoota 11 irraa ajjeesee 9 madoo dandammii hin qabneen adabee jira.
Guyyaama kana Adoolessa 8, 2024 WBO’n Zoonii Lixaa godina Baha Wallaggaa ona Saasiggaa bakka addaa Abbaa Daalee jedhamutti tarkaanfii laalessaa fudhateen lukkeelee diinaa maqaa sakatta’insa WBO’n baatetti rasaasa shiduun guggubee hedduu hoggaa ajjeesu, kanneen biroo immoo madoo dandammii hin qabneen adabee jiraachuun ifoomeera.
Guyyaa kaleessaas itti dabaluun onichuma ganda Odaa bakka addaa Bosoqa jedhamutti loltoota Abiy Ahimed kanneen uummata Oromoo dararuuf bobba’an irratti haxxee hidhuun konkolaataa isheen ittiin dhufte irratti haleellaa banuun loltoota sirnichaa irraa hedduu ajjeesuun kaanis madoo dandammii hin qabneen adabee qawwee AKM tokkoo fi hidhannoo mudhii guutuu dugda ishee irraa hiikuun galii mooraa qabsoo bilisummaa Oromoof godhee jira
Gootichi Waraana Bilisummaa Oromoo Zoonii Harsadee kaleessa Adoolessa 9, 2024 ganama godina Baha Shaggar aanaa Fantaallee ganda Gidaaraa jedhamtutti tarkaanfii laalessaa waraana maafi’aa Abiy Ahimed irratti fudhateen du’aa fi madoon adabee meeshaalee irraa hiikee jira.
Tarkaanfii kanaanis ergamtoota Biraanuu Juulaa irraa:
- Isnaayippera 1
- AKM 6
- Hidhannoo 2
- Rasaasa isnaayippera 60
- Uffata bokkaa fi meeshaalee waraanaa adda addaa irraa hiikuun dantaa qabsoo bilisummaa Oromoof galii taasisee jira.
