ONM-ABO Hagayya 4, 2024
Murni aangoon of harkaa qaba jedhu bilxiginnaan yeroo gara aangootti dhufee kaasee WBO balleessinaa dhaadannoo godhachuun, yeroo gara yerootti loltoota isaa guutuu Oromiyaatti bobbaasuun maqaa sakkattaan yeroo ba’an tooftaa fi tarsiimoo lolaan Waraana Bilisummaa Oromoo dura dhaabbachuu dadhabuun hawaasa nagaa sababoota adda addaa itti maxxansuun badii tokko malee yakkaa jiraachuun isaa ni beekama.
Haaluma kanaan, godina Baha Wallaggaa aanaa Saasiggaa keessatti hidhaa fi dararaan jiraattota irratti maqaa ‘WBO waliin hariiroo qabduu fi ilmaan keessantu miseensa WBO’ti” jedhuun raawwatamu jabaatee itti fufee jiraachuun ibsameera.
Hagayya 1, 2024 ganda Loomicaa jedhamu irraa dargaggootni maqaan isaanii:
- Waganuu Asfawuu,
- Saamu’eel Qinaaxxii fi
- Guutaa Xilaahuun jedhaman loltoota bilxiginnaan ukkaamfamuun garmalee dararamaa kan jiran ta’uu jiraattonni ganda Loomicaa ONM’f eeranii jiru.
