ONM-ABO Hagayya 5, 2024
Safuu fi ooda uummataa akkasumas kabajaa namummaa kan hin beekne, Waraanni Goolessituu PP ilmaan Oromoo badii tokko malee Oromummaa isaaniitiin yakkuun ajjeesuu, hidhuu fi dararuun baratamaa ta’aa dhufeera.
Haaluma kanaan Adoolessa 30, 2024 Waraanni sirnichaa godina Horroo Guduruu Wallaggaa aanaa Abbaay Coomman ganda Ganjii Qarree jedhamutti nama maqaan isaa; Bayyanaa Miijanaa jedhamu waraana Bilisummaa Oromoo waliin hariiroo qabda maqaa jedhu itti maxxansuun hidhanii gidirsaa jiraachuu, jiraattonni gandichaa ONM’tti himaniiru.
Akka maddeen keenya nuuf himanitti namni Kun nama siyaasa kam keessaayyuu qooda hin qabnee fi hawaasa naannoo biratti jaallatamummaa guddaa qabuudha jechuun, Waraanni fi kaabinoonni PP dargaggeessa Oromoo kanneen ta’an mara, badii tokko malee hidhaa jiraachuu Arraata Biyyoolessa Oromiyaatti himanii jiru.
