ONM-ABO Hagayya 22, 2024
Murni bilxiginnaa dirree diimokiraasii dhiphisuun aangoo isaa qofa irratti xiyyeeffatee namoota siyaasa kiyyatti bu’an jedhu ajaja jala deemtota isaatti darbarsuun har’a Oromiyaa keessatti namuu qorannoo seeraa malee qabamee baatii dheeraaf mana hidhaatti dararamaa jira.
Sirni Oromummaa hadheeffatee mormu loltoota isaa baadiyyaa Oromiyaatti bobbaasuun duula duguuggaa ilmaan qotee bultoota Oromoo irratti labsuun manaa gadi baasee badii tokko malee dararaa hamaa uummata irraan ga’aa kan jiru yoo ta’u, waraanni faashistii Abiy Ahimed, godina Arsii aanaa Gololchaatti jiraattota hidhaatti darbachuun dararaa hamaa geggeessaa jiru.
Aanaa Gololchaa ganda Jingaa Dhiibuu jedhamu irraa loltoonni faashistii Abiy Ahimed torban darbe keessa nama maqaan isaa Anasee Shimallis jedhamuu fi jiraattota hedduu ammaaf maqaan isaanii adda hin baane ukkaamsuun qabanii mana hidhaatti darbachuu jiraattonni gandichaa ONM’tti himan.
