ONM-ABO Fulbaana 7, 2024
Dinagdee uummata Oromoo quucarsuudhaan duula duguuggaa sanyii saba Oromoo irratti geggeessaa kan jiru waraanni maafiyaa impaayera Itiyoophiyaa goleelee Oromiyaa mara keessatti qabeenya uummata nagaa saamuu, gubuu akkasumas uummata meesha-maleeyyii hidhuu, ajjeesuu fi dararuu jabeessee itti fufee jiru.
Haaluma kanaan, Fulbaana 6,2024 waraanni Bilxiginnaa godina Lixa Wallaggaa aanaa Boojjii Birmajjii ganda Hidhabuu Xoobbii fi Lalisaa Kiingii keessatti loon hawaasa nagaa saamuun beekamee jira.
Namoota nagaa qabeenyi isaanii saamame kanneen ammaaf maqaan isaanii nu ga’e:
- Obbo Mokonnon Bicaaqaa jalaa loon kudha tokkoo fi hoolota shan
- Obbo Galataa Saajjii jalaa korma tokko
- Obbo Caalii Ittafaa jalaa loon torbaa fi harree lama
- Aadde Buzunesh Dheeressaa jalaa ammoo loon tokkoo fi lukkuu ja’a saamuu jiraattonni ONM dubbise ifoomsanii jiru.
Saamichi uummata nagaa irratti geggeeffamaa jiru akkuma yeroo darbe qabeenya uummataa maqaa qabeenya diinaan saamuu fi mancaasuu baafataniitti hojjiitti hiikuun Oromiyaa dirree saamichaa fi seer-dhablummaan keessatti daraare godhatanii jiru.
