ONM-ABO Fulbaana 25, 2024
Loltoonni impaayerattii kaayyoo bulchiinsa impaayerattii osoo hin beekin fedhaanis ta’u dirqamaan itti seenuun gochoota gara jabinaa uummata Oromoo irratti raawwachaa kan turanii fi jiran yeroo baay’ee rakkoo keessoo isaaniitti dhalatuun walii isaaniitii walitti garagaluun lubbuu walii isaanii balleessaa oolu. Haaluma kanaan godina Qellam Wallaggaa aanaa Jimmaa Horrootti loltoonni impaayerattii walii isaaniitiin wal ajjeesuun himameera.
Fulbaana 14, 2024 loltoonni Bilxiginnaa miseensa isaanii kan ta’e nama maqaan isaa Tashoomaa Ahimadee jedhamu ‘Oromummaa isaan yakkuun’ rasaasa itti roobsanii ajjeesanii gatuu maddeen Arraata Biyyoolessa Oromiyaaf ifoomsanii jiru.
Akka maddeen jedhanitti, shakkii keessoo walii isaaniitti yeroo hunda aanaa sana keessatti gama garaagartee ilaalchaan ka’uun wal hidhaa, garmalee wal reebaa, wal ajjeesanii gataa fi dararaa hamaa wal irraan ga’aa kan jiran ta’uu dubbatu.
