ONM-ABO Sadaasa 6, 2024
Bakka bu’aan Rippabilikaan Doonaald Tiraamp dorgommii pirezidaantummaa bara 2024 irratti injifannoo isaanii kan himan erga Fox News Dimookiraat Kamala Harris injifatamuu isaanii tilmaame booda. Kunis erga Waayit Haawus gadhiisanii waggaa afur booda deebi’uun siyaasaa ajaa’ibsiisaan filannoo kana kan xumuran ta’uun barameera.
“Ameerikaan aangoo kanaan dura hin argamnee fi humna guddaa qabu nuuf kenniteetti,” jechuun Kibxata ganama deeggartoota tuuta sagalee guddaa dhageessisan Giddugala Walgahii Paam Biich Kaawuntii keessatti argamanitti dubbatan.
Haaris deggartoota ishee kanneen Yunivarsiitii Hawaarditti walitti qabaman waliin hin dubbanne. Dura taa’aan duula filannoo ishee Seedrik Riichmond halkan walakkaa booda yeroo gabaabaaf namoota walitti qabamaniif haasawa taasisaniin, Haaris ifatti akka dubbatan dubbataniiru.
Rippabilikaanonni teessoo paartii Dimookiraatotaa West Varjiiniyaa fi Ohaayotti erga garagalchanii booda sagalee caalmaa Seenetii Ameerikaa argatan. Paartiin lamaanuu falmii mana maree bakka bu’oota uummataa yeroo ammaa kana Rippabilikaanonni sagalee caalmaa dhiphoo qaban to’achuuf taasifamu keessatti carraa kan qaban hin mul’anne.
Tiraamp carraa Waayit Haawus deebifachuuf carraa 50-50 qabatanii gara guyyaa filannootti kan seenan yoo ta’u, kunis jijjiirama ajaa’ibaa Amajjii 6, 2021, yeroo hayyoonni hedduun hojiin siyaasaa isaanii akka xumurame ibsaniin booda. Guyyaa sana tuuti deggartoota isaa bu’aa filannoo bara 2020 kuffisuuf yaalii hookkaraan Kongireesii weeraranii turan.
Tiraamp deggarsa dabalataa warra Hispaniik, kan aadaa isaaniitiin filattota Dimookiraatotaa, fi maatii galii gadi aanaa qaban kanneen filannoo pirezidaantii darbe bara 2020 irraa eegalee daballii gatii cimaan itti dhaga’ame irraa argataniiru jedha qorannoon ba’uu Edisan irraa.
Tiraamp akka biyyaatti filattota Hispaniik dhibbeentaa 45 kan injifatan yoo ta’u, Haaris dhibbeentaa 53n duubatti hafaniiru, garuu bara 2020 irraa dhibbeentaa 13n dabalaniiru.
Filattoonni gara dhibbeentaa 31 ta’an dinagdeen dhimma isaanii isa olaanaa ta’uu kan dubbatan yoo ta’u, Tiraampiin dhibbeentaa 79 hanga 20’n sagalee kennaniiru jedha qorannoon ba’uu. Filattoonni guutuu biyyattii keessaa gara dhibbeentaa 45 ta’an haalli maallaqaa maatii isaanii har’a waggoota afur duraa caalaa hammaataa ta’uu kan himan yoo ta’u, Tiraampiin dhibbeentaa 80 hanga 17’n akka deggaran himaniiru.
Gareen Dimookiraatotaa lakkoofsi filannoo hin xumuramne jechuun yeroo sanatti deggertoota tasgabbeessuuf yaalanis filatamuu Doonaald Tiraamp booda bulchitootni biyyoota addunyaa ergaa baga gammaddee dhageessisuu eegalaniiru.
Gama kanaan Muummichi ministeeraa Israa’el Beeniyaamin Netaaniyaahuun Roobii har’aa Doonaald Tiraampiin Waayit Haawusitti deebi’uu kana Seenaa Qabeessa jechuun baga gammaddan jedhan jechuun AFP fi Rooyiters odu gabaasaa Foxnews wabeeffachuun gabaasaniiru.
