ONM-ABO Muddee 10, 2024
Dantaa dhuunfaa isaaniif jecha hawaasa nagaa ba’uuf galuu kan dhorkatan loltoonni Abiy Ahimed, goleewwan Oromiyaa cufa keessaa maqaa garaa garaa itti maxxansuun miidhaa hangana hin jedhamne jiraattota irratti raawwachuu itti fufanii jiru.
Aanaa Martiitti jiraattota ganda Wataroo Diinoo kan ta’an Tamaam Eda’oo fi Borshaa Eda’oo kanneen jedhaman ergamtoonni sirnichaa Muddee 7, 2024 sababa tokko malee hidhaatti darbachuun qarshii 4800 tokko tokkoon isaanii irraa fudhatanii gadi lakkisanii jiraachuu maddeen Arraata Biyyoolessa Oromiyaaf eeranii jiru.
Akka maddeen himanitti, namoonni kunneen siyaasa kam irraa walaba kan ta’anii fi guyyaa sana ammoo gandicha irraa gara magaalaa Abboomsaa jedhamu deemuu himuun, ergamtoonni sirnichaa badii tokko malee maqaa garaa garaa itti maxxansuun namoota hedduu gandoota baadiyyaa adda addaa irraa gara magaalichaa deeman reebicha hamaa irraan gahuun dararaa turuu dubbataniiru.
