ONM-ABO Muddee 31, 2024
Akka guutuu Oromiyaatti dhiittaa mirga namoomaa Oromoota irratti dalagaa kan oolan goolessitoonni waraana Bilxiginnaa, irra deddeebiin yakkoota hamminaan guutaman kan gaarummaan tokkollee keessatti hin argamne saba nagaa irratti geggeessaa oolu.
Muddee 27, 2024 Qellem Wallaggaa aanaa Anfilloo ganda Heenachee keessatti balleessaa tokko malee namoota maqaan isaanii:
- Obbo Bayyanaa Irranaa,
- Obbo Eliyaas Gammachuu,
- Obbo Wandimmuu Bayyanaa,
- Obbo Barakat Boggaalaa,
- Obbo Yohaannis Galataa fi
- Aadde Innuyyee jedhaman
jalaa manneen isaanii qabeenya guutuu waliin gubuun akka barbadeessan maddeen ONM’tti himan.
Muddee 29, 2024 ammoo aanichuma ganda Yellii jedhamu keessatti nama maqaan isaa Milkiyaas Magarsaa jedhamu mana isaa keessaa gadi baasuun rasaasaan rukutuun yoo ajjeesan maatii isaa cufa ammoo qabuun hidhanii jiraachuu maddeen ifoomsan.
