ABO-ONM Amajjii 8, 2025
Kutaalee Oromiyaa cufa keessaa ilmaan Oromoo hiraarsuun garaa kan qabbaneeffatu murni nama nyaataan Bilxiginnaa, maatii qabsaa’otaa jumlaan hidhaatti guuruun dararuu jabeessee jira.
Aanaa Amuruu magaalaa Oborraa jedhamu irraa loltoonni Bilxiginnaa Sadaasa 9, 2024 irraa eegaluun qonnaan bultoota 130 ol badii tokko malee ukkaamsuun yeroo dheeraaf hidhanii waajjira poolisii aanichaatti maqaa adda addaa itti maxxansuun yakkanii hiraarsaa jiraachuu maddeen Arraata Biyyoolessa Oromiyaatti himan.
Kana malees, bulchiinsa magaalaa Amuruu irraa Amajjii 2, 2025 qonnaan bultootni 17 ol kan ammaaf maqaan isaanii adda hin baane maqaa “hidhata Waraana Bilisummaa Oromoo qabdu” jedhuun hidhaatti darbatamanii dararamaa jiraachuu fi jiraattonni hedduun badii tokko malee hiraarsaa ulfaataa argaa jiraachuun ibsameera.
