ONM-ABO Gurraandhala 3, 2025
Yeroo mara maqaa garaa garaa moggaasuun burjaajii isaan mudate of baraaruuf jecha uummata nagaa gidirsaa kan oolan ergamtoonni Bilxiginnaa qe’ee uummataatti bobbaafamuun jiruu fi jireenya lammiilee nagaa burjaajessaa kan jiran ta’uun beekamaadha.
Haa ta’u malee tarsimoon isaan baafatanii ittiin jooran kun sababoota garaa garaan jalaa gufachuu irraa kan ke’e kutaalee Oromiyaa cufa keessatti uummata Oromootti aarii isaanii ba’uun hawaasa nagaa ajjeesaa, hidhaa fi saamaa akkasumas manneen gubuun jiruu gadadoof saaxilaa jiruudha.
Aanaalee kanneen akka Guduruu, Abaaboo Guduruu fi Coomman Guduruu keessatti ajajoonni raayyaa ittisa impaayerattii waltajjii sakkatta’iinsa WBO jedhu irra kan turan oggaa ta’u, waraanni Bilxiginnaa gara Guduruu buufattee jirtu ammoo haleellaa WBO’n irratti raawwateen gaaga’ama lubbuu fi qabeenya akkasumas meeshaalee waraanaa isaan mudate baaraaguun sodaa guddaa keessa seenuun himameera.
