ONM-ABO Ebla 6, 2025
Bulchiinsa magaalaa Naqamtee ganda 04 keessaa waraanni faashistii PP Ebla 3, 2025 nama maqaan isaa Alamaayyoo Bayyanee jedhamu badii tokko malee osoo inni daandii irra deemaa jiruu ukkaamsuun waajjira poolisii ganda 05’tti hidhanii dararaa ulfaataa irraan ga’aa jiraachuu maddeen Arraata Biyyoolessa Oromiyaatti himanii jiru.
Maddeen Alamaayyoon siyaasa kam irraa walaba ta’uu himuun, ergamtoonni Bilxiginnaa ammoo maqaa “hidhata Waraana Bilisummaa Oromoo qabda” jedhuun yakkanii hidhaatti darbachuu dubbatu.
Lubbuu uummata nagaatiin tirgaa siyaasaa kan taphatu Abiy Ahimed dhiiga qeerroo fi qarree ilmaan Oromoo kumaatamaan bu’aa argame butee barcuma siyaasaa qabatee impaayera ekeraa Minilikiin hargantu jireessuuf jecha kutaalee impaayerattii mara keessatti sabboontota ilmaan Oromoo akka bineensaatti adamsee hidhaa, ajjeesaa, saamaa fi dararaa jiraachuun ni beekama.
