ONM-ABO Ebla 17, 2025
ISIS’n dhohinsa boombii poolisii Paakistaan naannoo jeequmsa keessa turan irratti xiyyeeffatee poolisoota sadii ajjeesee fi kudhan ol madeesse ilaalchisuun itti gaafatamummaa fudhate.
Boombiin Kibxata darbe mootar saayikilii dhaabate irratti dhaabame tokko, bulchiinsa Baaloochistaan magaalaa Mastung keessatti otobisii poolisoota 40 fe’ee deemaa ture irratti kan xiyyeeffate miidhaa qaqqabsiiseera.
Ibsa Kibxata galgala dameen garee finxaaleyyii kun baaseeb yeroo baay’ee haleellaa humnoota nageenyaa Paakistaan fi Afgaanistaan irratti raawwatamu, “loltoonni” isaa poolisii “ergama” fudhatanii bobba’an irratti xiyyeeffata jedheera.
Paakistaan erga Taalibaan bara 2021 Kaabuul keessatti aangootti deebi’ee booda, naannoowwan ishee Afgaanistaan daangessuu irratti jeequmsi akka malee ka’uu isaa fi Islaamaabaad ollaan ishee dhihaa lafa ishee haleellaa Paakistaaniif irratti akka oolu hayyamt jechuun yoo himattu– himannaa kana Taalibaan ni haala jechuun AFP’n gabaaseera.
