Odaa jirma guddaa
Dameen baala yaasuu
Jaala koo akkam jirtaa ?
Koodee diina raasuu.
Leenca onnee gaaraa
Urjii lixa biiftuu
Akkam siif ta’eera
Bakkeen ati ciiftuu ?
Quuqaa cinaacha Koo
Meela wiirtuu dugdaa
Erga addaan baanee
Rafee hin beekuu takkaa
Siyadeen si Kaasaa
Maqaa keen dhaadhadhee
Leenca fakkii namaa
Yooman si dagadhee ?
Gootummaa keetu ifee
Dura koo dhaabataa
Dhiira onneen gaaraa
Seenaatu si yaadataa
Jabaa jabinnisaa
Jechootarra caaluu
Jiraa qofaan mitiim
Du’aa kee sodaatuu.
Cichoomina keetuu
Gootumma Kee ibsaa
Amanamummaan Kee
Silaa hunda dursaa.
Qulqulluu xaliilaa
Makaaf booruu hin qabnee
Jaal shoddee jedhama
Warri Seenaa hin barree.
Isa gantuun galtee
Maqaa isaa sodattuu
Gaafa shoddee waaman
Fincaaniin of faaltuu
Isa fakkii leencaa
Barbadeessaa roorroo
Barsiisaaf ogessaa
Ba’uuressaa Kaayyoo
Jechuu Isa hin ibsuum
Nan fakkeessaf malee
Goota gootummaa isaa
Addunyaanuu ibsee
Daandii kee qabannee
Faanakeerra yaanaa
Dhaalotni siboodaa
Dhaaltuu Kee siif taanaa
Kaayyoo keerraa maqnee
Mana gumaa hin seennuu
Riqicha keen ceenee
Akka galma geenyuu
Waadaa siif galleerra
Nuti dhalootni qubee
Galatoomi jaaloo
Qalmni koos dhumee.
Xiqqoo sagaleesseen
Walaloon qophessee
Yaadannoo Keef jechan
Sii barreesse shoddee
Barreessanii:- Galma Dhugaa
@Caayaa Qeerroo
