ONM-ABO Caamsaa 17, 2025
Hoogganaan gargaarsaa Dhaabbata Mootummoota Gamtoomanii Tom Fileecher Jimaata kaleessaa akka jedhanitti, dhaabbatni UN karoora mirkanaa’ee fi gargaarsa paaletii 160,000 yeroo naannoo Falasxiin marfamte seensisuuf qophii qaba jechuun yaada filannoo Ameerikaan deggarameef yeroon qisaasamuu hin qabu jedhe.
“Namootaaf raabsuuf mala filannoo ta’e yaada dhiyeessan, kanaaf yeroo hin qisaasnu. Karoora qabna,” jechuun ibsa kennaniin, Israa’el guyyaa 75ffaaf gargaarsa namoomaa Gaazaaf akka hin kennamne ugguruu dubbatan.
Prezidaantiin Ameerikaa Doonaald Traamp Jimaata kaleessaa akka jedhanitti “namoonni baay’een Gaazaa keessa beela’aa jiru.” Hordoffiin beela addunyaa akka akeekkachiiseetti namoonni walakkaa miliyoonaa beelli akka isaan mudatu dubbachuun kunis gara harka afur keessaa tokko naannoo marfamaa sana keessa jiru.
Israa’el gama isheen komee ishee irratti ka’uuf yoo deebii laattu, gareen hidhattoota Falasxiin Hamas gargaarsa hata yoo jettu, gareen kun ni haala. Karoora gargaarsaa filannoo baay’ee qeeqame jalatti, Faawundeeshiniin Namoomaa Gaazaa Ameerikaan deeggaramu dhuma Caamsaa keessa Gaazaa keessatti hojii jalqabuuf kaayyeffateera jechuun Rooyiters gabaaseera.
