ONM-ABO Waxabajjii 26, 2025
Waxabajjii 23, 2025 Baha Wallaggaa aanaa Billoo Boshee ganda Boshee Timbaakkoo keessatti bulchaa gandichaa duraanii kan ta’e nama maqaan isaa Abarraa Kabbadaa jedhamuu fi miliishota sirnichaa kan ta’an:
- Shaambaal Biraanee fi
- Hambaayee Qalbeessaa
namoota jedhaman fakkaattonni isaanii reebicha ulfaataa ta’e erga irraan gahanii booda mana hidhaatti darbatanii dararaa jiraachuu maddeen amanamoon keessoo Bilxiginnaa Arraata Biyyoolessa Oromiyaatti himaniiru.
Akka maddeen himanitti, ergamtoonni kunneen dantaa sabaa irratti osoo hin taane dantaa dhuunfaa isaanii irratti wal dhabuun kan wal hidhan ta’uu dubbatu.
Ergamtoonni Bilxiginnaa dantaa dhuunfaa isaanii guuttachuuf jecha dhiiga qulqulluu ilmaan Oromoo isaan dhangalaasaa oolan walitti deebisuun guyyuu dhiiga walii dhangalaasuu fi hidhaa wal irratti raawwachaas jiru.
