ONM-ABO Adoolessa 20, 2025
Aanaa Daaboo Haannaa ganda Cooraa Kanaaboo jedhamu irraa loltootni PP ergama badiisaa qabatanii bobba’uun hawaasa hojii idilee isaanii irra jiran kanneen maqaan isaanii:
- Geetaachoo Fiixee,
- Darajjee Fiqaaduu,
- Dabalaa Aagaa,
- Faqqadaa Galataa,
- Silgaa Bakaree,
- Bayyanaa fi
- Yaadataa
jedhamanii fi jiraattota hedduu badii tokko malee ukkaamsuun, maqaa “Waraana Bilisummaa Oromoo deggertu” jedhuun hidhaatti darbatanii dararaa jiraachuu maddeen Arraata Biyyoolessa Oromiyaatti himanii jiru.
Gandicha keessaa namoota 29 ol hidhanii dararaa kan jiranii fi “ilmaan keessan yeroo dhiyootti galchuu qabdu, kana ta’uu baannaan beekkadhaa!” jechuun doorsisa adda addaa irratti raawwataa jiraachuun dabalataan ibsameera.
Loltoonni Bilxiginnaa waanuma sammuun isaanii ajaje cufa hawaasatti gadi buusuun, nama rakkoo adda addaan ajaja isaanii guutuu dadhabe maqaa garaa garaa itti maxxansuun hiraarsaa ulfaataa irratti raawwachuu itti fufanii jiru.
