ONM-ABO Adoolessa 22, 2025
Lixa Shaggar aanaa Abuunaa Gindabarat mooraa waraana Bilxiginnaa bulchiinsa magaalaa Biitee fi ganda Gawoo Guduruu irraa torban darbe keessa miseensonni raayyaa ittisa impaayerattii sadii:
- qawwee AKM 3 fi
- hidhannoo 3 qabachuun
WBO’tti harka kennatanii jiraachuu hooggansi WBO bakkichaa Arraata Biyyoolessa Oromiyaatti himee jira.
Miseensota waraana Bilxiginnaa duraanii WBO’tti harka kennatan kanneen keessaa 2 sabaan Oromoo yoo ta’an, 1 ammoo uummattoota Kibbaa ta’uun ibsameera.
Loltoonni kunneen simannaa ho’aa WBO’n taasiseefitti hedduu gammaduun, fakkaattota isaanii mooraa diinaatti hafaniinis “sirna bututaa kana osoo nan tiksa jettanii waliin kufuu irra dafaatii akka keenya yeroon of-baraaraa” jechuun dhaamaniifii jiru.
