ONM-ABO Hagayya 7, 2025
Baatii dabre Adoolessa 30, 2025 irraa eegaluun hanga gabaasni kun qindaa’eetti godina Arsii Lixaa aanaa Qoree ganda Bataa Wanxaashaa jedhamu keessaa maqaa hariiroo Waraana Bilisummaa Oromoo qabdu jedhu ummatatti maxxansuun hawaasa jumlaan ukkaamsanii mana hidhaatti guuruun dararaa jiraachuu maddeen Arraata Biyyoolessa Oromiyaaf eeran.
Namoota hidhamanii jiran keessaa kanneen maqaan nu qaqqabe:
- Muhammadnuur Haaji Kaliil,
- Diidoo Kollessaa,
- Waliyyii Waaqayyoo,
- Waariqaa Dheekkamoo,
- Wayyoo Qaabatoo,
- Hirphoo Qaabatoo,
- Guddataa Qaabatoo fi
- Tibbeessoo Guyyee kanneen jedhamaniidha.
Akkasumas, godinichuma aanaa Nageellee Arsii gandoota garaa garaa keessaa Waraana Bilisummaa Oromootu isin keessa jiraa of keessaa baasaa jechuun hawaasa waltajjii nageenyaa jechuun guyyaa guyyaan waltajjii baasuun, yeroo itti silaa uummatni oomisha isaa hojjetatutti guyyaa guutuu teessisuun doorsisaa jiraachuu maddeen dabaluun himaniiru.
