ONM-ABO Fulbaana 6, 2025
Kibba Oromiyaa godina Gujii Lixaa aanaa Galaanaa ganda Dibbee Qongaa keessatti hidhattoonni sirnichaa maqaa ilmaan keessantu miseensa Waraana Bilisummaa Oromooti jedhuun uummata nagaa hidhaatti guuruu hammeessuun, ganda Dibbee Qongaa irraa namoota maqaan isaanii:
- Beqeshuu Mijuu,
- Shubboo Badhaasoo,
- Daannaa Goobanaa,
- Koortuu Danboobii fi
kanneen maqaan isaanii hin ibsamin hedduu jalaa horii hedduu saamuun, namoota kanneenis hidhanii dararaa jiraachuu fi hanga ijoolleen keessan Waraana Bilisummaa Oromoo keessaa galanitti hidhaa irraa hin baatan jechuun itti dhaadachaa jiraachuun ibsameera.
Akka jiraattonni gandichaa Arraata Biyyoolessa Oromiyaaf ibsanitti namoonni yakki saamichaa fi hidhaa irratti geggeeffame kunneen jiraattota nagaan jiruu fi jireenya ofii gaggeeffachuu malee dhimma siyaasaa kamiyyuu keessaa harka hin qabne yommuu ta’an, ergamtoonni Bilxiginnaa immoo maqaan ilmaan keessan miseensa Waraana Bilisummaa Oromooti jedhuun hidhaa fi saamicha irratti raawwachuu dubbatu.
Aanicha keessatti gochi farra namoomaa yeroo garaa garaatti irra deddeebiin mul’ataa kan jiru yoo ta’u, akkuma guutummaa godinichaatti hawaasni roorroo fi dararaa murna Bilxiginnaan irratti raawwatamuuf jecha nagaan bobba’ee galuu dadhabuu fi yeroo darbes jaleewwan sirnichaa kunneen maqaa haadha manaa qabsaa’aati jedhuun haadha ulfaa tokko ajjeesuun ni yaadatama.
