ONM-ABO Muddee 25, 2025
Godina Baha Wallaggaa aanaa Leeqaa Dullachaa ganda Jaarsoo Liyaa jedhamu keessatti Muddee 22, 2025 kaadiroonni gandichaa naga’ee tokko malee uummata saamuun qarshii guuraa jiran addaan qooddannaa irratti wal-shakkii keessoo isaaniitti uumamaa jiru hordofee wal hidhaa jiraachuun ibsameera.
Akka jiraattonni himanitti, namoota maqaan isaanii Lataa Tolasaa bulchiinsa gandichaa kan turee fi Malkaamuu Gammachuu dabalatee kanneen biroo maqaan hin argamne akka hidhan itti dabaluun addeessaniiru.
Kaadiroonni fi waraanni Bilxiginnaa sadarkaa gubbaa hanga gadiitti jiran yeroo garaagaraatti saamicha maallaqaa fi lafaa irratti wal dhabuun wal hidhaa akkasumas wal irratti dhukaasuun lubbuu walii isaanii galaafachaa turuun kan beekamuudha.
