ONM-ABO Muddee 25, 2025
Godina Lixa Shaggar aanaa Dirree Incinnii bulchiinsa magaalaa Kamisii Roggee irra Muddee 18, 2025 miseensi Raayyaa Ittisa impaayerattii tokko qawwee fi hidhannoo isaa qabatee mooraa PP ganuun WBO onichaatti harka kennatee jira.
Miseensi waraana Bilxiginnaa kun:
- qawwee AKM 1, rasaasa, fi
- Boombii F1-1
qabachuun gooticha Waraana Bilisummaa Oromoo bira nagaan ga’ee jira.
Loltuun kun mooraa waraanaa Bilxiginnaa, kan ofii keessa ture keessatti rakkoowwan garaagaraa kan mul’atan ta’uu himuun, keessattuu dhimmi gara Kaaba biyyaatti, WBO fi keessoo isaaniin walqabatee yaaddoo guddaa caasaalee Bilxiginnaa raasaa kan jiru yoo ta’u, gama biraatiin immoo miseensota waraanaa sabaan Oromoo ta’an irratti shakkiin waraana Bilisummaa Oromoo quunnamtu jedhu jiraachuu bira darbee hidhaa fi ajjeechaan irratti geggeeffamaa jiraachuus loltuun kun dubbateera.
Miseensi waraanaa kun akka jedhutti, barnoota koo fi maatii koo irraa fedha kiyya maleen kaadiroota faashistii Bilxiginnaan humnaan qabamee leenjifamuun akka bobbaafame kan himu yoo ta’u, hanga turtii Bilxiginnaaf tajaajilaa ture keessattis akkaataa seeraa fi naamusni waraanummaa irraa calaqqisuun osoo hin taane fedhii siyaasa Bilxigginnaa eeguuf jecha miidhaawwan namoomaa hedduu raawwachaa turuus ibseera.
