ONM-ABO Bitootessa 31, 2026
Murni maqaa Diimokiraasii jedhu afaaniin lallabaa gocha abbaa irrummaa hojjatu Bilxiginnaan, godina Arsii Bahaa aanaa Roobee Diida’aa magaalaa Roobee keessatti ijoollee xixiqqoo umriin isaanii siyaasaaf hin geenye dhaaba badhaadhinaa filattu jechuun kaardii filannoo osoo isaan didanii humnaan itti raabsaa jiraachuu jiraattotni Arraata Biyyoolessa Oromiyaaf ifoomsan.
Akka jiraattonni jedhanitti, ijoollee kana erga kaardii itti raabsanii booda guyyaa fillannoo manatti hafnaan ykn kan namni biraa isiniin jedhes yoo filattan bakka filannootti viidiyoo fi suuraan waraabamu waan jiruuf nutis amma viidiyoo fi suuraa keessan waraabnee jirra waan ta’eef booda yoo keessaa dhibdan isin hin dhiifnu jechuun doorsisaa turuun ibsameera.
Murni Bilxiginnaa umrii aangoo isaa dheerefachuuf jecha daa’imman umuriin isaanii filannoof hin geenye humnaan of filachiisuuf bakkeewwan garaa garaatti filannoo sobaa kanaaf kaardii filannoo itti hiraa jiraachuun guyyaa guyyaan gabaafamaa jira.
