ONM-ABO Waxabajjii 12, 2026
Murni akka dantaa isaa qofaaf tolutti hojjetu Bilxiginnaan afaan qawwee fayyadamuun namoota hedduu fedhii isaanii malee waardiyaa taasifatee umurii aangoo isaa dheereffachaa kan jiru, Godina Lixa Harargee aanaa Shanan Dhuuggoo araddaa Haqaan-jiraataa keessatti gaafa Waxabajjii 10, 2026 dargaaggoota jumlaan ukkaamsanii gara leenjii waraanaatti geessuu maddeen Arraata Biyyoolessa Oromiyaatti himaniiru.
Dargaaggoota qe’ee fi qabeenya isaaniirraa ukkaamfamuun gara dirree waraanaatti geeffaman keessaa muraasni maqaan nu ga’e:
- Roobaa Mikaa’el,
- Abdulmaalik Mahaammad,
- Fu’aad Usmaan,
- Usmaa’il Abrahiim fi
dargaaggoota biroo baay’inaan hedduu ta’an ukkaamsaanii deemuun ibsameera.
Waraanni gabroomfataa PP ergamtoota isaa Oromiyaa keessa bobbaasuun dirqamaan gara mooraa waraanaatti ilmaan haadha hiyyeessaa jumlaan guuruu fi sanuu dhukkubsattoota, maanguddoota humna hin qabne fi daa’imman umuriin isaanii waraanaaf hin geenye dabalatee hedduu adda waraanaatti guuree ficcisiisaa jiraachuun ni beekama.
